„Горни Полог“ се откажа од извозот на јагниња
ГОСТИВАР - Поради високата откупна цена на живо јагне, која се движи меѓу 210-230 денари за килограм, гостиварската кланица "Горни Полог" се откажа од извозот на јагнешко месо за Божик на пазарите во Италија и Хрватска. „Сточарите во Полошкиот регион можат да понудат само околу 500 јагниња, што е премалку. И во другите региони понудата на живо јагне е мала, а откупната цена е висока", изјави Рајко Максимовски, косопственик на „Горни Полог“. Продажната цена на јагнешко месо до пред некој ден била 6,50 евра за килограм, а со наближување на католички Божик се зголемила на 7 евра. (К.К.) |
