И „Макпетрол“ ќе користи горива од стоковни резерви
Покрај „Окта“, и нафтената компанија „Макпетрол“ ќе добие дизел и екстралесно гориво од стоковните резерви на државата. Одлуката за привремено отстапување на користење на овие горива, според Министерството за финансии, ја донела Владата на завчерашна седница. Тоа е одлучено врз основа на поднесено барање на „Макпетрол“. Со користење дел од нафтените деривати од стоковните резерви компанијата треба да обезбеди континуирано снабдување на пазарот. Согласно со законската регулатива, „Макпетрол“ е должен отстапената количина да ја врати најдоцна до 1 март 2009 година. (МИА) |
