Повторно ќе се пуши во кафулињата

Загреб - Претседателот на трговската комора на угостители, Златко Пунтијар, изјави дека се завршени преговорите со Министерството за здравство за измени на Законот за забрана на пушењето во угостителските објекти. Тој појасни дека измените ќе се однесуваат на тоа дека дел од угостителските објекти ќе можат да одвојат простор за пушачи и дел за непушачи. „Не баравме укинување на Законот, туку само тој да се приспособи на угостителите, но во исто време да се заштити и интересот на непушачите“, рече Пунтијар. Според актуелниот закон, на јавните места е забрането пушењето, со исклучок на психијатриските клиники. За прекршителите на Законот се предвидени високи казни. Така, ако некој испушил една цигара каде што е забрането, ќе плати 130 евра казна, додека сопственикот на локалот - 2.000 евра. (МИА)