Букурешт - Големите романски инвеститори го изнесуваат својот бизнис во странство, пишува романскиот весник „Гардијанул“. Според него, недостигот од интерес за креирање соодветна фискална политика принудува се' поголем број инвеститори да го изнесат својот бизнис надвор од земјата. Сопственикот на групацијата „Ге-кад“, која се занимава со компјутерски технологии, Раду Џорџеску, изјави дека ја префрлил дејноста на својата компанија во новоформираната фирма во Кипар „Ксентрик лимитид“. (МИА)