Повторно атрактивно финансирањето преку пазарите на капитал

„Финансирањето преку пазарите на капитал во светски рамки повторно станува примамливо и атрактивно. Отежнато е банкарското финансирање и глобално и локално, а капиталните стандарди во финансиските сектори зајакнуваат како последица на кризата“, изјави вчера директорот на Македонската берза, Иван Штериев. Тој нагласи дека пазарите на капитал, генерално, се враќаат кон основните премиси. Не е битно само секундарното тргување, туку суштествен е примарниот пазар и прибирањето средства за долгорочен развој и од небанкарски извори. „Денешната презентација е поврзана со можноста за издавање нови акции и финансирање развој на компании преку Берзата. Тоа не е нова активност, Берзата континуирано ја прави, но сметавме дека треба да се интензивира зашто се вклопува со некои нови меѓународни и домашни трендови поврзани со целиот економски амбиент по кризата“, истакна Штериев.

На берзата моментно котираат 33 компании. (МИА)