„Сааб“ не може да исплати плати

Шведскиот концерн за автомобили „Сааб“ поради недостиг од пари не може да им исплати плати на вработените. Во моментов „Сааб“, кој подолго време, почнувајќи од декември 2009 година, минува низ длабока криза и е во преговори со цел да добие пристап до свеж капитал, како на кус рок, така и преку продажба на објекти и лизинг. Но, засега нема никакви гаранции дека преговорите ќе завршат успешно, се истакнува во прес-соопштението на концернот. „Навистина мораме да изразиме жалење дека ќе бидеме принудени да им соопштиме на вработените зошто ќе останат без своите плати“, вели Гунила Густавс од информативната служба на „Сааб“. Според неа, не постојат никакви сигурни прогнози за колку време би можело да се очекува решение околу исплатата на платите. Соопштението за неможноста да им бидат исплатени платите на околу 1.500 вработени беше дистрибуирано по електронски пат. (МИА)