Летово роаминг на „Вип“ за 9,9 денари минута

Од вчера сите постојни и нови корисници на „Вип“, припејд или постпејд, добиваат можност за разговори и за време на годишните одмори во странство. Новата промотивна услуга за повици во роаминг им овозможува да зборуваат за 9,9 денари минута кон мрежата на „Вип“.

„За нашите корисници ја воведовме оваа атрактивна понуда со која ќе имаат постојана и опуштена комуникација со своите најблиски и кога се надвор од земјата. Уште поважно е што ќе имаат контрола над своите трошоци“, вели Марио Цвитковиќ, маркетинг-директорот на „Вип“. Во исто време „Вип“ воведе и поволност за постпејд-корисниците што се зависни од интернет. Тие ќе можат за 99 денари да активираат интернет-роаминг со праќање СМС-порака со текстот: ’старт сурф’ на бројот +38977140300 и да уживаат во текот на наредните 30 дена во сите мрежи на групацијата „Телеком Австрија“ и на „Водафон“. (Ек.Р.)