Обновена работата на нуклеарката „Јонгбјон“
ЊуЈорк - Северна Кореја соопшти дека ја обновува работата на нуклеарната електрана, бидејќи САД изнеле дополнителни барања и со тоа го прекршиле договорот за бришење на Демократска Народна Република Кореја од листата на држави кои го поддржуваат тероризмот.
„Бидејќи САД го прекршија договорот со ДНРК, неминовно мора да се преземат релевантни контрамерки според принципот акција - на акција, изјави севернокорејскиот заменик- министер за надворешни работи, Пак Кил Јон.
Во седиштето на ОН во петокот, Пак ги обвини САД дека се „најлош уривач на мирот и угнетувач на човековите права на суверените држави и дека врши масакр врз недолжни луѓе“, алудирајќи на Ирак и на Авганистан. (МИА)
|
