Италијанската и бугарската мафија најмоќни во Србија
Белград - Италијанската и бугарската мафија го контролираат подземјето во Белград, соопштија српските разузнавачки служби.
„Во моментов во Србија највлијателни се италијанската, бугарската, албанската, руската и кинеската мафија, како и дел од латиноамериканската мафија“, информираат српските разузнавачи.
По разбивањето на Земунскиот и Сурчинскиот клан, во Србија повеќе нема толку силни групации, но малите групи кои останале од овие два клана се присоединиле кон криминалците од соседните држави.
Србија е транзитна држава, таа е врската меѓу Европа и Блискиот исток, сосема логично е тука да има влијание на различни мафијашки структури, тврдат српските тајни служби. (Макфакс) |
