Американски радар за предупредување од ирански ракети
Ерусалим- САД во Израел поставиле радар чија задача е предупредување за истрелување балистички ракети од Иран, јави израелското радио.
Радарот бил пренесен од САД во Израел со 10 воени авиони и монтиран во израелската база „Неватим“ на 21 септември. Радарот е способен за прибирање информации од 2.000 километри и е поставен во јужниот дел од државата во пустината Негев.
За работата на радарот е задолжен постојан тим, меѓу кои се и 120 лица од армијата на САД.
Такви радари веќе се инсталирани од страна на САД во Јапонија кои се способни да забележат движење на боеви глави на ракети со голем и среден дострел и се планира еден помошен локатор од тој тип да се инсталира во Чешка. (МИА) | 
