Државните службеници во 21 државна институција, преку унифициран систем електронски ќе ги креираат и управуваат сите видови документи, со што ќе се намалат времето и трошоците за работа. Такви резултати треба да даде примената на интегрираниот е-владин систем за управување со документи, со вредност од 48 милиони денари, што вчера го презентира министерот за информатичко општество Иво Ивановски. Според Ивановски, унифицираниот систем значително ќе ги подобри способностите и капацитетите за управување со документи во институциите, ќе обезбеди целосна автоматизација на работните процеси и ќе се запазуваат роковите за процесуирање на предметите. „Доколку одреден службеник не го проследи предметот во определениот рок, самиот систем е програмиран да го извести одговорното лице и ќе може веднаш да се интервенира. Ќе нема веќе криење документи во фиоки“, објасни министерот Ивановски. (МИА)
За пофалба е заложбата од Владата да се компјутеризира.
НО!
1. Владата сеуште нема донесено стратегија за интерконекција на своите институции и стандарди за размена на податоци помеѓу нив, ниту ги има централизирано своите ИТ капацитети на ниедно ниво: управувачко, оптимизирачко, безбедносно, или чворно.
2. Владата сеуште нема донесено стратегија за унифициран начин за размена на податоци со граѓаните и компаниите, а таму каде што има нешто размислено, создава дуополи (во сертификационите тела за клучеви).
3. Во сите овие развикани компјутеризации на државните институции, училиштата, факултетите, итн., домашните ИКТ компании не добија скоро ништо, или се сведени на приврзоци на некои (понекогаш дубиозни) странски добавувачи. Сите десетици, ако не и стотини милиони евра отидоа кај странски компании. Ете, и последната набавка за лаптопи отиде кај српска фирма. А и ова за што пишувате е од странска фирма. Полесно се договараат, изгледа.
