Од Словачка милион евра за Балканот
Братислава - Словачка ќе вложи милион евра во новиот донаторски фонд за поддршка на економски и социјални реформи во земјите од Источна Европа и Балканот, кој ќе биде основан заедно со Европската банка за обнова и развој. Тој развоен фонд за техничка соработка ќе финансира советодавна и техничка помош во проекти на банката во Албанија, БиХ, Хрватска, Црна Гора, Србија, Македонија, Белорусија, Грузија, Украина, Ерменија, Азербејџан, Казахстан, Киргизија, Молдавија, Монголија, Таџикистан, Турција, Туркменистан и Узбекистан. (МИА) |
