Свечено затворање на „Денови на македонска музика“
Со концерт на Камерниот оркестар „Арката Штутгарт“ од Германија, вечерва во Домот на АРМ во 20 часот, свечено ќе се затвори 32. издание на фестивалот „Денови на македонска музика“. Пред концертот вечерва на ансамблот, кој претежно на својот репертоар изведува дела од современата музичка литература, СОКОМ ќе му ја врачи наградата „Георги Божиков“, за најдобра изведба на дела од македонски композитори во минатата година. Диригент на концертот е Патрик Штруб од Германија, а ќе бидат изведени дела од Михајло Трендафиловски, Ристо Аврамовски, Малколм Фокс и Георг Нелдеке. (Т.И.) |
