Работилница за танцот на кореографката Изабел Шад
Едукативна програма на НОМАД Танц Академијата во Скопје, се заокружува со работилница и отворена презентација на Изабел Шад од Берлин, Германија, која ќе се одржи утре во просториите на ДМБУЦ „Илија Николовски - Луј“ во 11,30 часот. Отворената презентација е наменета да се презентира методот на работа на оваа истакната кореографка. Петдневната работилница на Шад, која се одржуваше од 23 до 27 март наловена „Logic of Sensation“, наоѓа теоретска подлога во истоименото дело на Жил Делуз. Земајќи ги во предвид теоретските истражувања на Делуз преку работилницата практично се работи на можноста за претставување на телото како цртеж и неговите потенцијали за апстракција. (Т.И.) |
