Антони Мазневски изложува во Берлин
Во проект-галеријата Прима-центар Берлин, денеска ќе биде отворена самостојната изложба „CROSSWAYS“ на македонскиот ликовен уметник Антони Мазневски, кој ќе ги претстави своите дела, изработени според геометрискиот линијар.
Изложбата ќе може да се погледне до 22 април, а е отворена во рамките на програмата на Здружението на галеристи и уметници „Колони видинг Берлин”.
Во презентираните цртежи и објекти, Мазневски ги истражува кривите линии и самата форма на трите математички дефинирани линијари, ги вкрстува и комбинира, изведувајќи притоа нови симболички асоцијации и форми. (К.Б.) |
