Стил
Урбан ресторан за поинакво чувство на скопјани
Од неодамна во центарот на Скопје на 600 квадратни метри е отворен новиот ресторан за самопослужување „Дивино“.
На самиот влез ќе ве дочекаат љубезни и ведри ликови, кои се подготвени да ве послужат, или доколку се двоумите околу изборот на она што ви се нуди, тогаш се подготвени да ви помогнат.
Ресторанот е конципиран на две нивоа: долниот дел е предвиден за служење на разновидниот избор на печива, готови јадења и пијалаци, додека во горниот дел се наоѓаат кафетерија и слаткарница.
Околу самиот концепт на ресторанот, проект - менанџерот Костадин Алексов ги открива деталите поврзани со „Дивино“.
„Тимот што работеше на овој проект одлучи дека на Скопје му е потребен ваков ресторан, затоа што во последно време ја следиме европската динамика на живеење, што значи постојано некаде брзаме и ни е потребно место каде што можеме да направиме мала пауза и да бидеме услужени со добра храна, ладен пијалак и убаво кафе. Сите овие нешта ги нуди токму ’Дивино‘“, вели Алексов.
Идејата датира од пред една година, а главен архитект на проектот е Златко Хаџи - Пецов, кој заедно со целокупната екипа го направи ресторанот така како што изгледа и ние сме сите задоволни од него.
„Целната група ни се гости од 7 до 77 години, што значи дека сите можат да се пронајдат и да уживаат во она што го нуди ’Дивино‘. За нас важи мотото потрошувачите секогаш да бидат задоволни и кон тоа ќе се стремиме постојано.Во рамките на изборот на храна најголем акцент ќе биде ставен на македонската кујна, и тоа со особено внимание ќе се следи сезоната за да биде застапено се' што е потребно“, појаснува менанџерот Алексов.
За сите гурмани кои повеќе ја сакаат домашната атмосфера, ресторанот има и свој сервис за испорака, кој преку такси-компанијата „Наше такси“ ќе ги услужува сите граѓани и ќе ги доставува нивните нарачки.
„Дивино“ ги има сите предуслови и амбицијата на вработените да стане едно од најпосетените места, на кое ќе може да се добијат трите најважни работи во светот на гастрономијата: вкусна храна, добра услуга и пријатен амбиент. (И.С.) |
