Македонија против Полска за ЕП за кадетки

Полска е единствен конкурент на Македонија за организација на Европското првенство за ракометарки до 17 години во 2013 година. Како градови-домаќини во македонската кандидатура се наведени Скопје и Охрид, а во полската Гдањск и Цетниево.

Во тек е вреднувањето на апликациите на двата претендента од Европската ракометна федерација, чија делегација по инспекцијата во двете земји ќе му достави извештај на Извршниот комитет на 30 ноември, а одлуката ќе биде донесена на 17 декември. Првенството ќе се одржи од 27 јуни до 7 јули 2013 година.

Македонија еднаш веќе се кандидира и го доби ЕП 2009 за кадетки, но ЕХФ и' го одзеде неколку месеца пред одржувањето и и' го додели на Србија. (Р.Д.)