Македонија меѓу Сенегал и Малави

Фудбалската репрезентација забележа пад од шест места на листата на ФИФА и сега е 76.

Продолжува падот на македонската фудбалска репрезентација на ранг-листата на Меѓународната фудбалска федерација. Ако на претходното рангирање бевме 70., сега сме на 76. место зад Сенегал, но пред Малави. Колку за илустрација, вчерашниот наш противник Албанија оствари скок од шест места и се најде на 58. позиција.

Репрезентација, пак, која „вчера“ беше примена во ФИФА, Црна Гора, е позиционирана на 26. место. Од останатите репрезентации од бившите ЈУ-простори Србија е 25. (пад од три места), БиХ е 51. (скок од две позиции), а најдобро пласирани селекции се Хрватска (деветто место) и Словенија, која е 15.

На самиот врв нема измени, па финалистите на Светското првенство Шпанија и Холандија се на првите две места. Следуваат Бразил, Германија, Аргентина, Англија, Уругвај, Португалија и Хрватска, а единствениот новак во топ 10 е Египет, кој заедно со Грција и Норвешка ја истисна Русија.

Најголем ќар од најновото рангирање видоа на Карибите, поточно неколку репрезентации што настапуваат на Карибијан купот, кој практично е квалификациски турнир за КОНКАКАФ купот. Имено, Тринидад и Тобаго скокна за 28 места и сега е 78., Гвајана напредуваше 12 места, па се најде на 86. позиција, а убедливо најмногу скокна Гренада - таа напредуваше за дури 34 места и сега е 91. (Н.К)

Топ 10 репрезентации

1. Шпанија 1.920 бода

2. Холандија 1.718

3. Бразил 1.493

4. Германија 1.489

5. Аргентина 1.353

6. Англија 1.250

7. Уругвај 1.174

8. Португалија 1.102

9. Хрватска 1.098

10. Египет 1.047