Прекинат гасоводот „Северен поток“ кон Европа
Вишиот административен суд на Лунебург, Долна Саксонија, Германија, ја прекина изградбата на некои делови од германскиот гасовод НЕЛ, кој треба да го спои рускиот „Северен поток“ со европскиот гасоводен систем.
Судот донесе пресуда во корист на 18 жители на градот Винзен-на-Луе, кои покренаа процес против минување на гасоводот низ нивниот град. Гасоводот НЕЛ според проектот требало да се постави ��а 30 до 50 метри од куќите, додека многумина експерти се залагале во радиус од 350 метри од гасоводот да не се наоѓа ниту еден градежен објект. Маршутата ја планирала локална институција за земјиште, која сега заедно со конзорциумот на компанијата за изградба на гасоводот ќе мораат да изнајдат алтернативни варијанти. НЕЛ е еден од гасоводите кој ќе го спои рускиот подводен гасовод „Северен поток“ со европскиот гасоводен систем. Капацитетот на НЕЛ би требало да изнесува 20 милијарди метри кубни годишно. Преку гасоводот НЕЛ рускиот гас нема да го користат само германските потрошувачи, туку и во Данска, Холандија и Белгија. „Северниот поток“, кој директно од Русија до Германија минува по дното на Балтичкото Море, долг е 1.224 километри. Се очекува овој проект да ја намали цената на рускиот гас за ЕУ, имајќи предвид дека ги заобиколува земјите-посреднички. (МИА) |
