Eдна од најтешките кризи во историјата
„Должничката криза во еврозоната е најопасна во историјата на Европската унија“, изјави полскиот министер за финансии, Јацек Ростовски. „Мислам дека на сите им е јасно дека живееме во интересно и опасно време, веројатно во едно од најопасните времиња за ЕУ од 1958 година досега. Доколку оваа криза излезе од контрола, ќе имаме не само криза во еврозоната, туку можеби и криза која ќе ја засегне целата светска економија“, и��такна Ростовски во Стразбур. Ростовски ја цитираше позната мисла на Лев Толстој дека сите среќни семејства си прилегаат едни на други, а сите несреќни семејства се несреќни на свој начин, со цел да го оправда своето сфаќање дека е неопходна „дискретност“ во креирањето на економската политика во време на криза. „Секој лош момент е различен“, додаде тој. Според Ростовски, чија земја е актуелен претседавач со ЕУ, од суштинско значење е да бидат одобрени реформите на економското управување за да бидат спречени идни вакви кризи во еврозоната. (МИА) |
