Започнуваат нови судења за „Фи-ком“
Тужбите кои што ги поднесе стечајниот управник на „Фи-ком во стечај“, а со кои се бара ослободување од хипотека на зградите на брачната двојка Никола и Весна Николиќ, се прифатени од судот и веќе од утре по нив ќе почне да се постапува. Имено, веќе од утре започнува судскиот процес за хипотеката врз зградата наречена „Филип“. Имено, стечајната управничка на „Фи-ком во стечај“ ќе се обиде пред судот да докаже дека хипотеката е ставена без знаење на купувачите на становите, односно дека пари од банката воопшто и не легнале на сметката на фирмата на двојката Николиќ. Како што дознаваме неофицијално, со овој процес ќе раководи судијката Снежана Таневска, а во процесот што се однесува на зградата „Антигона“, а кој е закажан за идниот месец, ќе постапува судијата Љубомир Тодоровски. (Љ.С.)
|
