Албанија не се меша во разговорите за името
ДРАЧ - Официјална Тирана нема да се меша во македонско-грчките разговори за разликите околу името, кое го смета за надлежност исклучиво на Атина и на Скопје. Ова го посочи албанскиот претседател Бамир Топи по средбата со македонскиот колега Бранко Црвенковски, вчера во Драч.
„Прашањето во врска со разликите за името ќе се реши меѓу Скопје и Атина“, изјави Топи. На заедничката прес-конференција, Црвенковски истакна дека Скопје е активно во преговорите за изнаоѓање решение со Атина. (Макфакс)
|
