Бензините скокнаа за два денара

Регулаторната комисија за енергетика вчера ги донесе новите цени на бензините. Малопродажната цена на нафтените деривати се зголеми од еден до два денара, зависно од типот на горивото. Најмногу, или за два денар по литар, од денеска се зголемува цената на „еуросупер БС-95“, кој ќе се продава за 71 денар за литар.

Малопродажната цена на литар „еуросупер БС-98“ е повисока за 1,5 денар, со што новата цена изнесува 72,50 денари.

„Еуродизел Д-4“ и екстра лесното масло за домаќинство, ЕЛ-1, поскапуваат за 1 денар за литар. Така, цената на „еуродизел Д-4“ изнесува 59,50 денари за еден литар, а на лесното масло за домаќинство - 48 денари. Малопродажната цена на мазутот М-1 НС се зголемува за 0,538 денари за килограм, по што тој ќе се продава за 32,662 денари. (МИА)