Дефицитот достигна 1,6 млрд. долари

Вкупната вредност на извозот на стоки од Македонија за првите девет месеци од 2010 година изнесува 2,6 милијарди американски долари, а на увозот 4,3 милијарди долари. Покриеноста на увозот со извоз е 61,3 отсто.

Трговскиот дефицит за перио��от јануари - октомври 2010 година изнесува 1,6 милијарди американски долари, соопшти Државниот завод за статистика. Трговската размена покажува дека во извозот најголемо е учеството на производите од железо и челик, облеката, фероникелот и преработките од нафта. Додека во увозот најмногу се застапени суровата нафта, моторните возила за превоз на лица и електричната енергија.

Најголемо учество во извозот на стоки имаат членките на Европската унија со 61,3 отсто и земјите од Западен Балкан со 31,2 отсто. А во увозот на стоки најголемо учество имаат земјите-членки на ЕУ со 53,5 отсто и земјите во развој со 27,2 отсто. (Ек.Р.)