Фени индустри го возвраќа ударот

Денеска во Кавадарци (18 часот) продолжува финалната серија од кошаркарскиот плеј-оф меѓу Фени индустри и Вардар Осигурување.

Како што е познато во првиот натпревар минатата недела во малата сала во „Борис Трајковски“ славеа вардарци, со што израмнија на 1:1 во серијата подобар до четири.

Квадарчани, кои влегоа во финалето со предност од 1:0 поради подобриот меѓусебен скор во регуларниот дел, се оптимисти дека ќе продолжи црната серија и на Вардар, кога станува збор за натпреварите во салата „Јасмин“, каде Фени нема ниту еден пораз сезонава.