Фудбалски вести
Платини: За жал, не можам да ги сопрам високите трансфери
Претседателот на УЕФА Мишел Платини изјави дека не може ништо против мегаломонските трансфери кои го инфицираа цфудбалот. Платини откога дојде на таа функција зборуваше дека ќе прави се што е во негова можност да спречи така високи трансфери, сакајќи да воспостави колку толку еднаква фудбалска Европа. Беше главен противник на поделбата на големи и мали, но ова лето може само со затворена уста да следи што прават Реал Мадрид и Флорентино Перез. За неполн месец во клубот дојдоа Кака, Роналдо, Бензема и Албиола. Вкупната вредност на овие фудбалери стигна над 200 милиони евра!
„Што можев да направам? Не можам да ги спречам силните клубови да реализираат такви трансфери. Но, сигурен сум дека за три четири години нема да има вакви примери. Или, не во таква мера како што е сега“, порача Платини.
Реал одеднаш му плати 80 млн. фунти на Јунајтед за Роналдо
Договорената сума за Кристијано Роналдо легна на сметката на Манчестер јунајтед. Нема рати, нема ништо. Комплетните 80 милиони фунти се во рацете на „бебињата“! Тоа го потврди и англискиот шампион на својата интернет страница. „Неговиот придонес за Јунајтед беше огромен, а со својата игра, начинот на забавување на масите, ги одушевуваше навивачите во светот. Му посакуваме успех во натамошната кариера“, изјави менаџерот Алекс Фергусон.
Донован: Бекам не ни е никаков капитен
Додека Бекам полека ги пакува куферите да се врати во Л.А Галакси, еден од највлијателните фудбалери во тимот му порача дека неговото враќање никого не го весели.
„Кога сте најплатен играч во лигата, поточно двојно поплатен од било кого, тоа треба и да го оправдате. Бекам тоа не го прави“, рече Лендон Донован и потоа уште посилно го „нагази“ Бекам. „Тој никогаш не бил водач на овој тим, нити бил капитен. Поточно, не бил никаков капитен. Ако ништо друго за тие пари барем треба да го подметне грбот. Нито тоа не го направил“, додава Донован.
Инаку, Донован е капитен на американската репрезентација и капитен на Галакси додека го нема Бекам. Најголемата грешка на сите играчи, според, него е што биле убедени дека Бекам со своето знаење, искуство и пристап ќе го однесе далеку. Но, тој не ги одведе никаде. Играше мизерно, ама добро заработе. |
