Винокуров ќе вози по суспензијата
Александар Винокуров ќе му се врати на велосипедизмот откако на 24 јули ќе му заврши двегодишната суспензија, надевајќи се дека повторно ќе вози за својот поранешен тим Астана. Во тек се преговорите за тоа со Казахстанската велосипедска федерација и со тимскиот менаџер Јохан Бринел.
Винокуров доби двегодишна забрана за настап поради позитивниот тест за крвен допинг за време на Тур де Франс 2007. Но, 35-годишниот велосипедист не престана да негира дека сторил нешто недозволено, додавајќи дека можеби ќе учествува и на Вулета, која почнува на 29 август, како и на Светското првенство во Мендризио, Швајцарија, во септември. |
