Ќе пристигнат само ангиографите

Од големата набавка на медицинска опрема за почеток ќе пристигнат само ангиографи, апарати за дијагностицирање и за лекување на срцеви болести. Министерството за здравство платило само за една од дваесетината групи апарати што требаше да се набават со големиот тендер за опрема вреден околу 65 милиони евра. Овие апарати, според најавата од Министерството за здравство, треба да пристигнат во јуни. Клиниките и болниците ќе почекаат за другите медицински апарати. Прогнозите се дека апаратите нема да пристигнат ни до ноември. Откако ќе се платат, другите апарати може да се очекуваат од три до шест месеци од уплатата. Неофицијални извори велат дека засега Владата имала толку пари, а ќе стасаат апарати колку да се потврди дека тендерот се спроведува и оти ќе се запазат најавените рокови.

„Уплатена е првата годишна рата од договорот за набавка на ангиографи, по што во јуни се очекува да пристигне нова опрема“, велат од Министерството за здравство. Во Министерството за здравство не знаат кога ќе бидат уплатени парите за другите апарати, иако тоа го спроведува тендерот. (Ј.Ј.)