Јавна опомена за Леонид Наков

Јавна опомена изрекоа антикорупционерите за Леонид Наков, член на Управниот одбор на Македонската радио-телевизија, бидејќи утврдиле судир на интереси. Антикорупциската комисија бара од Наков да се откаже од членувањето во Одборот затоа што оваа функција била неспојлива со членување во орган на политичка партија.

На 22 октомври минатата година Антикорупциска му препорачала на Наков да се повлече од функцијата во МРТ, меѓутоа тој не постапил по барањето. Поради тоа, на последната седница борците против корупцијата се одлучиле за изрекување јавна опомена со која Леонид Наков има обврска по 15 дена доброволно да замине од Управниот одбор. (К.Ч.)