Роденденот на Медведев без помпа

МОСКВА - Претседателот на Русија, Дмитриј Медведев, во вторникот го прослави 45. роденден без помпа, во кругот на најтесното семејство, синот Илја (15) и сопругата Светлана. Медведев во саботата замина во Сочи, каде што времето се' уште е топло. Во вторникот немаше официјални средби на Медведев со политичарите.

И претходникот, и учител, на Медведев, Владимир Путин, исто така, ги одбележуваше родендените без помпа, а подоцна во некој ресторан се среќаваше со најблиските пријатели.

Дмитриј Медведев е роден во семејство на научници, во Ленинград, денешен Санкт Петербург, на 14 септември 1965 година. Таму завршил Правен факултет и магистратура. На Правниот факултет работел како доцент на катедрата за граѓанско право.

Меѓу првите, роденденот на Медведев му го честиташе Ози Озборн, кој минатиот викенд ја посети Москва. Медведев повеќе пати изјави дека ја сака музиката на „Блек сабат“. Озборн му го испрати своето ново ЦД на Медведев преку новинарот на „Комсмолска правда“. (Б.В.)