Рединг: Така почна Втората светска војна

Париз - Францускиот државен секретар за европски прашања, Пјер Лелуш, ја нарече неприфатлива „заблудата“ на еврокомесарката за правда, Вивијан Рединг, која направи паралела меѓу состојбата на Ромите во Франција и Втората светска војна. „Заблуди од тој тип се неприфатливи“, изјави тој за радиото Ер-Те-Ел. „Трпението има граници, но не е тоа начин да се разговара со една светска сила“, додаде Лелуш.

Рединг завчера изјави дека била лично погодена од тоа што „некои лица се испраќаат од држава-членка само затоа што припаѓаат на едно етничко малцинство“.

„Сметав дека по Втората светска војна Европа веќе нема да биде сведок на такви ситуации“, изјави Рединг.

Француските власти завчера депортираа над 200 романски Роми. Група од околу 160 Роми беа вратени во Романија со лет од аеродромот „Шарл де Гол“. Уште 69 Роми, меѓу кои 12 деца, отпатуваа од аеродромот во Марсеј за Букурешт.

Рединг предупреди дека Комисијата може за две недели да почне со казнената процедура против Франција поради депортирањето Роми. (МИА)