Словенија му го зеде имунитетот на Јанез Јанша

Словенечкиот парламент вчера му го одзеде имунитетот на поранешниот премиер Јанез Јанша и нему сега може да му се суди за земање поткуп додека ја извршувал премиерската функција. Јанша, кој е пратеник од најголемата опозициска Словенечка демократска партија, беше обвинет дека заедно со уште четири лица побарал околу два милиона евра поткуп за да и' помогнат на финската компанија „Патрија“ да го добие тендерот во 2006 година за испорака на 135 оклопни возила во вкупна вредност од 278 милиони евра.

Словенечките пратеници се заштитени со имунитет при судски истраги, но тој се одзема во случај на многу тешки криминални дела. (МИА)