Почина службеникот на ФБИ што го обелодени „Вотергејт“
Скандалот доведе до срамна оставка на претседателот Ричард Никсон
ВАШИНГТОН - Марк Фелт, поранешниот официјален претставник на ФБИ, кој се претставуваше дека е „длабокото грло“, изворот што го обелодени скандалот „Вотергејт“ во ерата на Никсон, почина. Неговото семејство јави дека починал во дом за тешко болни во близина на неговиот дом во Калифорнија, на возраст од 95 години. „Длабокото грло“ им помогна на новинарите од весникот „Вашингтон пост“ да ги откријат злоупотребите на претседателските овластувања во Белата куќа на Никсон. Скандалот,конечно, доведе до срамна оставка на претседателот Ричард Никсон во август 1974 година. (Би-Би-Си)
|
