Протестите во Грција стануваат социјални немири
Демонстрантите ја нападнаа специјалната полиција пред парламентот, а како одговор добија плотун од солзавец
АТИНА - Меѓу демонстрантите и полицијата во Грција повторно избувнаа судири, во континуираните немири поради убиството на тинејџер од страна на полицијата. Демонстрантите ја нападнаа специјалната полиција пред парламентот, фрлајќи молотови коктели. Полицијата одговори со плотун од солзавец. Дванаесет дена по убиството, гневот се соедини со незадоволството во другите делови од грчкото општество. Демонстрантите сакаат владата да ја смени социјалната и економската политика. Контролорите на воздушниот сообраќај се најновите работници од јавниот сектор кои стапија во штрајк. Околу десет илјади луѓе во четвртокот се придружија на демонстрациите во Атина кои се одржуваа пред Универзитетот, а потоа маршираа кон парламентот, во гнев поради убиството на петнаесетгодишно момче од страна на полицаец на 6 декември.
На транспарентите имаше критики за владата, која демонстрантите ја обвинуваат дека го разочарала грчкиот народ. „Долу за владата на крв, сиромаштија и приватизации“, пишуваше на еден транспарент, јавува новинската агенција Ројтерс. Новото насилство избувна на плоштадот во центарот на градот, каде што се наоѓа грчкиот парламент, при што демонстрантите фрлаа молотови коктели врз зградата и се обидуваа да го запалат големото божикно дрво во Атина. Дрвото веќе беше заменето, бидејќи беше запалено во претходните протести. Околу 70 луѓе се повредени, а околу 400 се приведени за време на протестите. Стотици продавници и банки се уништени и ограбени. Полицаецот обвинет за убиството на Александрос Глигоропулос (15) е обвинет за убиство.
Во меѓувреме, сите летови кон и од аеродромот во Атина во четврток��т беа во прекин неколку часа, бидејќи контролорите на воздушниот сообраќај протестираа против политиката на владата и бараа зголемување на платите. Тоа е дел од индустриските мерки организирани од граѓанскиот синдикат АДЕДИ. Во средата демонстрантите поставија огромни транспаренти на Акропол, античката локација која доминира во Атина, повикувајќи на „отпор“. (Би-Би-Си)
|
