Девојката на Касилјас го нарече Роналдо себичен

Убавата шпанска телевизиска репортерка Сара Карбонеро (25), девојката на голманот на Реал, Икер Касилјес, отворено го критикуваше Кристијано Роналдо. Во утринската програма на телевизиската куќа Телечинча, Карбонеро ги коментираше особините на најскапиот фудбалер во светот, инаку соиграч на нејзиното момче.

„Не треба да сте психолог за да сфатите дека Роналдо е себичен и самобендисан. Отсекогаш било така, а Реал таков го донесе за 96 милиони евра“, кажа Карбонеро, која славата од светски размери ја стекна за време на СП во Јужна Африка, каде што по победата над Холандија во финалето, нејзиното момче Касилјес ја бакна во уста за време на интервјуто што му го правеше таа.

Карбонеро во својата стручна анализа даде осврт и на работата на Реаловиот тренер Жозе Мурињо, како и на бруталниот старт на Ујфалуши над Меси. „Тоа што ми се допаѓа кај Мурињо е ангажманот во соблекувалната. Многу време минува со играчите и работи на личниот контакт, што на Реал му е потребно. Повредата на Меси? Тоа беше брутален старт и кога ќе ја погледнете снимката јасно се гледа дека тој сакаше да му ја скрши ногата на Меси. А, Меси не е кој било. Тој е половина Барселона“, заклучи Карбонеро.