СДСМ сака нов 15 септември

Поради катастрофалната состојба во економијата, СДСМ вчера и' ги понуди на Владата двата проекта што и' биле предвидени во изборната програма, „Инвестиции сега“ и „Стан за секого“. Според првиот проект, ќе се поттикне домашното инвестирање, а според вториот, граѓаните ќе добијат бескаматно станбено кредитирање. Двата проекта би ја чинеле државата 24,1 милион евра, а тие би се обезбедиле од буџетската ставк��, договорните услуги, која изнесува 375,4 милиони евра.

Според СДСМ, процените на банките покажуваат дека од 163 милиони нови кредити во 2010 година, само 60 милиони евра ќе бидат нови инвестиции.

Со проектот „Инвестиции сега“ СДСМ предлага државата годишно да потроши 18,9 милиони евра преку плаќање на целата камата кон банките за сите нови инвестициски кредити, со што износот од 60 милиони евра за инвестиции ќе се зголеми тројно.

Според проектот „Стан за секого“, со издвојување на 5,2 милиона евра годишно државата би овозможила тројно зголемување на станбените кредити, граѓаните би добиле кредити без камата за купување стан, а би и' се помогнало и на градежната оператива. Лидерот на партијата Бранко Црвенковски рече дека на државата и' е потребен нов 15 септември и нови избори, а СДСМ ќе направи се' во таа насока.

„Предлогот на Црвенковски за бескаматно инвестициско и станбено кредитирање покажува како се однесува политичка партија и политичар кој не чувствува одговорност кон народот“, оцени на вчерашната прес-конференција, Зоран Ставрески, член на ИК на ВМРО-ДПМНЕ.

Според него, пон��дените проекти од СДСМ се полуподготвени, бидејќи државата веќе ги субвенционира каматите за малите и за средните претпријатија преку кредитната линија од ЕИБ. Ставрески порача дека 15 септември е датум што не треба да се заборави и кој треба сите сегашни, но и идни политичари да го запаметат, да ги проучат ветувања од тој ден и начинот на кој пристапил Црвенковски кон политиката и кон граѓаните. (М.Т.)