Загина олимписката првенка Лаврова

 Русинката Наталија Лаврова (25), сопственичка на два златни олимписки медала, загина во сообраќајна несреќа во местото Пенза, 600 километри југоисточно од Москва.

Во инцидентот загина и нејзината сестра, која ја загуби контролата врз автомобилот, мина на спротивната страна и се заби во возило.

Лаврова освои два златни медала на Летните олимписки игри во Сиднеј во 2000 година и четири години подоцна во Атина. Повеќе пати беше и светска и европска шампионка. По завршувањето на кариерата, работеше како тренер во рускиот олимписки центар.