Лондон- Авионот што пред една година слета во реката Хадсон, во Њујорк, ќе биде продаден на аукција, соопшти весникот "Тајмс".

"Ербас А320" на американската авиокомпанија "Ју Ес ервејс" беше пилотиран од искусниот американски летечки капетан Чесли "Сели" Саленбергер. Авионот на 15 јануари 2009 година полета од аеродромот "Ла Гвардија" во Њујорк. По судирот со јато патки, моторите ја загубија силата и го принудија пилотот да ги спушти авионот по само шестминутниот лет.

Сите 155 патници останаа живи. Самиот пилот со 29-годишен летачки стаж неколку пати го обиколи авионот за да се увери дека нема патници во него, по што дури тогаш го напушти.

Тој, преку ноќ, се претвори во национален херој.

Сега се предлага авионот да се продава за утврдена сума од два милиона долара. Американската осигурителна компанија Ај Еј Џи го прогласи за непогоден за летење. (МИА)