Цунами-бранови се очекува да удрат во Истанбул

Истанбул – Цунами-бранови високи до седум метри предвидуваат метеоролозите на црноморското крајбрежје на Истанбул, објави електронското издание на весникот „Хуриет“. 

Се очекува високите бранови да се разбијат крај Килиос и Демирџикој, во близина на Босфор.

Според метеоролозите, ветровите во реонот ќе достигнат 113 километри на час што ќе формира морски бранови, повисоки од вообичаените.

Ветрот вчера предизвика бранови високи од три до четири метри.

За денес се очекува брзината на ветерот да надмине 110 километри и височината на брановите ќе се зголеми до седум метри. (МИА)