Oдбиено барањeто на Давид Нинов

Уставен суд вчера го отфрли барањето на Давид Нинов, кој се претставува како член на Грко-православната охридска архиепископија на Пеќската патријаршија. Утврдено е дека решенијата на двата суда за одбивање на регистрацијата се засноваат врз утврдени факти дека се бара регистрација што не е согласна со постапката утврдена со Законот за правната положба на црква, верска заедница и група.

Според Судот, барањето за регистрација е одбиено затоа што не содржи одлука од основачко собрание на физички лица, туку се заснова врз одлука донесена од орган, т.н. свети архиерејски синод... Врз основа на тие факти, Уставниот суд утврди дека не е во прашање повреда на слободата на уверувањето и на забраната за дискриминација и оти барањето излегува надвор од надлежноста на судот.