Ждрепката за баражот за ЕП во август
Наместо вчера, како што беше најавено, извлекувањето на двојките за баражот за Европското првенство 2012 во ватерполо е поместено за 10 август во седиштето на Европската пливачка федерација (ЛЕН) во Луксембург. Како второпласирана во својата квалификациска група, Македонија ќе биде извлечена од вториот шешир, во кој ќе бидат и Малта, Словенија, Русија, Грузија и Словачка. Можни ривали на македонските ватерполисти се победниците н�� групите Турција, Германија, Франција, Грција и Романија. Шпанија, кој триумфира во нашата група Ц, не може да ни падне.
Баражите ќе се одиграат во два меча, дома и на гостински терен, од 1 до 15 октомври. ЕП ќе се одржи од 16 до 29 јануари во базенот „Питер ван ден Хогенбанд“ во Ајндховен, Холандија. Покрај домаќинот, на еврошампионатот директно се пласирани петте првопласирани селекции од ланското ЕП во Загреб: Хрватска, Италија, Србија, Унгарија и Црна Гора. (Р.Д.) |
