Фудбал
Марадона на привремена работа во Дубаи
Диего Армандо Марадона пристигна во Дубаи, каде што во наредните две години ќе го тренира Ал Васл, четвртопласирана екипа во првенството на Обединети Арапски Емирати. За 50-годишниот великан на фудбалската игра ова ќе биде втор ангажман како тренер по водењето на репрезентацијата на Аргентина на Светското првенство во Јужна Африка минатата година, каде што „гаучосите“ беа елимин��рани од Германија во четврт-финалето.
Трагедија
Почина Јапонскиот ексрепрезентативец Мацуда
Некогашниот јапонски фудбалски репрезентативец и член на Макумото Јамага, Наоки Мацуда, почина во болницата во Токио во 34. година од последици од срцев удар.
Мацуда за време на тренингот им се пожалил на соиграчите дека чувствува мачнина, за неделго потоа да се сруши на тревата и да остане да лежи без свест. По укажаната прва помош итно е префрлен во болница, каде е констатирано дека доживеал инфаркт, иако некои медиуми објавија дека добил сончаница.
Мацуда за Јапонија има одиграно 40 меча, вклучувајќи го и Мундијалот во Јапонија и Јужна Кореја 2002 година.
ПриЈателски меч
Чивас Ја декласира Барселона
Барселона загуби во пријателски меч одигран во Мајами од мексиканскиот Чивас Гвадалахара со 4:1, а јунак на натпреварот беше 22-годишниот Марко Фабијан, кој постигна два атрактивни гола.
Инаку, Барса поведе со голот на Давид Вилја уште во четвртата минута, а пресвртот почна да се случува дури по еден час игра. Фабијан со своите мајстории во 60 и 62. минута навести поинаков развој на настаните, постигнувајќи најпрвин гол од дистанца, а потоа и со ножички. Касилјес во 72. минута зголеми на 3:1, а конечниот резултат го постави Давила во самата завршница.
Во првиот состав на Барса на овој меч беа: Пинто, Фонтас, Пике, Абидал, Дос Сантош, Кеита, Чави, Тијаго, Куенка, Кармона и Вилја.
Аргентина
Бес поради можното враЌање на Ривер Плата во Прва лига
Неколку стотици навивачи побараа пред седиштето на Аргентинската фудбалска федерација смена на претседателот Хулио Грондона поради планот да се реформира лигата на таа земја, поточно да се спојат Првата и Втората лига, со што би се сапсил Ривер Плата од испаѓање.
Според тој план новата лига би требало да има 38 клуба. Поделени најпрвин во две групи, екипите би се натпреварувале во две фази: Најпрвин секоја во својот регион, а потоа петте најдобри би се пласирале во мини лига за титулата. Останатите 28 клуба би се бореле за опстанок.
|