Прва победа на кадетите во Струмица

Машката кошаркарска репрезентација на Македонија до 16 години дури во петтиот обид ја забележа својата прва победа на Европското првенство од дивизијата Б што се одржува од 28 јули до 7 август во Струмица. Во рамките на групата И од разигрувањето за пласман од 17 до 22 место, избраниците на селекторот Игор Михајловски ја совладаа Австрија со 55:54, по четвртини 19:15, 10:13, 12:17 и 14:9. Љубомир Младеновски беше најдобар во победничкиот тим со 17 коша, десет скока и три блокади.

Македонските надежи синоќа требаше да се с��етнат со Кипар, кој претходно ја победи Австрија со 69:56. (Р.Д.)