„Стандард и Пурс“: Грција ќе банкротира
Грција ќе банкротира до крајот на годината, пишува грчкиот весник „Елефтеротипија“, кој се повикува на висок претставник на меѓународната рејтинг-агенција „Стандард и Пурс“. Весникот нагласува дека Дејвид Беерс од тимот на агенцијата го изјавил ова во Пекинг, појаснувајќи ја својата оцена со одлуката од самитот на лидерите на еврозоната на 21 јули во Брисел за одобрување втор спасувачки пакет финансиска помош за Грција. Според него, учеството на приватните кредитори во овој пакет укажува на опасноста од банкрот и има цел да го намали грчкиот долг.
„Стандард и Пурс“ кон крајот на јули го намали кредитниот рејтинг на Грција и даде „негативна перспектива“, што значи дека постои можност за повторно намалување на кредитниот рејтинг на земјата во следните месе��и. (МИА) |
