Џон Бон Џови

Рокерот стана советник на Обама

Американскиот претседател Барак Обама го именуваше рокерот Џон Бон Џови за член на советот за локални прашања, чија задача е мобилизација на цивилното општество заради остварување државни цели. Бон Џови е еден од 25 члена на советот, основан со декрет, чија задача е „мобилизација на влијателните личности од приватниот сектор, заради остварување клучни политички цели“, соопштила Белата куќа.

Бон Џови (48) е пејач на истоимената група, која од 1983 година во светот продала повеќе од 100 милиони албуми. Рокерот се занимава со хуманитарна работа, а фондацијата што ја има основано работи на изградба на куќи за бездомници.