Концерти

Настап на Четкар во Бруклин



Македонскиот џез гитарист Владимир Четкар ќе одржи концерт во славната бруклиншката Академија за музика - Brooklyn Academy of Music (BAM). Неговиот настап е закажан за 7 јануари, со почеток во 21 часот.

„Богатиот спој на џез, фанк и соул на македонскиот гитарист Владимир Четкар со леснотија од почеток до крај преди од задоволство - вистински комплимент на неговиот заводлив брак од потентен стил и беспрекорна техника. Неговото свирење е во живо, со слободен дух и оригинално и доколку повремените високи гудачи и брзото фанк-темпо ви го евоцира диското, тогаш емотивниот и страстен глас на Четкар ги повикува само најрафинираните џез-богови“, се вели во најавата на Академијата за нашиот гитарист.

Бруклиншката Академија за музика во Њујорк е еден од најпознатите светски центри за прогресивна уметност, а Четкар е првиот Македонец што ќе настапи тука и ќе се претстави како авторски уметник. Владимир Четкар ќе биде придружуван од Мото Фукушима на бас, Милан Милановиќ на клавијатури и Арон Стил на тапани.

„Љубојна“ со интимен концерт во МЦМ

По извонредниот концерт во Универзалната сала, етносоставот „Љубојна“ в недела (19 декември) најавува интимна свирка за своите најверни фанови што ќе се одржи во кабаре МЦМ. Концертот почнува во 23 часот, а влезниците се веќе пуштени во продажба и можат да се купат во кабаре МЦМ по цена од 200 денари, или на денот на концерт кога ќе чинат 250 денари.

Промотивна свирка на „Памперс“

Караванот на промоции на „Oh Whatever“, новиот албум на битолскиот состав „Памперс“, по неколку градови во Македонија, продолжува со промотивна свирка во Скопје. По Тетово, Прилеп, Гевгелија, Охрид, Битола и Тетово, бендот вечерва ќе настапи пред скопјани, кои ќе може да уживаат во нивната музика точно на полноќ во клубот „Ван Гог“.

Продолжен конкурсот за Скопје „2011“

Македонската радио-телевизија, организаторот на националниот избор за Песна на Евровизија, „Скопје 2011“, информираше дека го продолжува конкурсот за избор на песни што ќе бидат дел од евровизиската трка. „По барање на авторите и изведувачите, МРТ го продолжува рокот за пријавување песни до 10 јануари 2011 год.“ Конкурсот е објавен на веб-страницата на МРТВ (www.mtv.com.mk).