„Електрични оргазам“

Напролет концерт

Популарниот бенд „Електрични оргазам“ вчера во Скопје го промовираше новиот албум „То што видиш, то и јесте“ издаден во септември, како и спотот за песната „Немаш ником ништа да даш“.

Ова е прво студиско издание на групата по осум години, а според критичарите, најдобар албум на бендот во нивната кариера. На албумот се сместени седум нови композиции. Текстовите се на Срѓан Гојковиќ, додека автори на музиката и аранжманот, покрај Гојковиќ, се и Љубомир Ѓукиќ и Бранислав Петровиќ.

Членовите на бендот, кој е оформен во 1979 година, велат дека новиот албум е наполно различен од сите други и се надеваат дека во Македонија и регионот напролет ќе направат негова концертна промоција.