Службени бодови за Македонија Ѓ.П., теренот во Тетово суспендиран

Откако ги разгледа сите пристигнати дополнителни изјави што ги побара од службените лица на прекинатиот меч од минатото коло меѓу Ренова и Македонија во Тетово, од службените лица делегатот и судиите извештај од полицијата во Тетово, како и од лекарите во тетовската болница и на Клиниката во Скопје за повредата на фудбалерот на Македонија Амбурет комесарот за натпревари Миле Спирковски ги донесе следните одлуки

Прекинатиот меч меѓу Ренова и Македонија, кои како што е познато заврши по првото полувреме откак о гостинскиот фудбалер Амбурет беше физички нападнат на влезот во тунелот на тетовскиот стадион, при резултат 1:0 за Македонија е регистриран со службен резултат со 3:0 за Македонија. наедно комесарот за натпревари донесе одлука да го суспендира теренот во Тетово а Ренова е предадена на Дисциплинската комисија која треба да ја одреди казната за овој тежок инцидент. Според пропозициите за вакви тешки инциденти е предвидена казна за забрана играње на домашен терен од два до 12 натпревари. (М.М.)