Земјата ќе добие второ сонце

Експлозијата на супернова би можела да се случи пред крајот за оваа година - или кога било во следните милион години

Земјата би можела да има и „второ сонце“ за период од неколку недели кон крајот на оваа година кога една од најсветлите ѕвезди на ноќното небо ќе експлодира, тврдат научниците. Супернова би можела да направи најголемо светлосно шоу од формирањето на Земјата, и ќе биде толку светло што ноќта ќе стане како ден во текот на една или две недели, наведуваат експертите. „Бетелгус“ што е дел од соѕведието „Орион“ на 640 светлосни години оддалеченост од Земјата е црвен супер џин што значи дека се ближи кон крајот на своето постоење и треба да експлодира. Кога тоа ќе се случи таа ќе гори толку светло што на Земјата ќе изгледа дека има две сонца, објави „Дејли мејл“.

Она што со сигурност не се знае е кога таа ќе експлодира. Бред Картер доцент по физика на Универзитетот во јужен Квинсленд во Австралија вели дека експлозијата би можела да се случи пред крајот на оваа година - или кога било во следните милион години. (Телеграф)