Австралија под вода

МЕЛБУРН - Надојдените води вчера ги пробија насипите во погодената од поплави Австралија за да поплават дополнителни територии во југоисточниот дел на земјата, додека жителите со вреќи песок се обидуваа да ги заштитат домовите од се' поголемата криза.

Надојдените реки во југоисточната држава Викторија создадоа поплавена зона чија големина се проценува дека изнесува 90 км во должина и 40 км во ширина, соопшти државната Служба за вонредни ситуации (СЕС). „Оваа област виде досега невидени поплави“, изјави портпаролот на СЕС, Кевин Монк за АФП. „Ова е нешто неверојатно“.

Додека надојдените води се движат кон реката Мари во неделата доцна попладнето и вчера изутрина беа дадени тревоги за евакуација за малите заедници на островот Пентал и Марабит Вест, каде живеат по околу 400 лица. Во тревогата СЕС наведува дека насипите околу Марабит Вест попуштаат предупредувајќи дека областа ќе биде поплавена во следните 12 часа. „Тие сега се поплавени“, изјави Монк за АФП. „Водата е насекаде. Ако тие не се обидоа да ги заштитат со вреќи песок своите имоти, тогаш водата би можела да има ��дредено влијание врз куќите на луѓето“. (АФП)